ESTETIK GINEKOLOGIYADA MÜASİR MÜALİCƏ ÜSULLARI

Annotasiya

Səhiyyənin beynəlxalq arenadakı imkanları daima sivil proseslərə paralel olaraq genişlənir-bu həyatımızın obyektiv reallığıdır. Elmi biliklərə və yeni texnologiyalara inteqrasiya istiqaməti güclü olduqca insanların xəstəliklərə və müxtəlif sindromlara,pandemiyalara qarşı müqaviməti yüksəlir,insan cəmiyyətinin rifahı artır[1]. Bu cəmiyyətdə zehni yüksəlişlə yanaşı insan bir fərd kimi öz xarici görünüşünə, bədənin anatomik quruluşundakı anadan gəlmə yaxud qazanılmış çatışmazlıqlara kritik yanaşır. Bunlardan azad olmaq-cəmiyyətdə və öz həyatında yeni bir mərhələyə qədəm qoymaq,yeni sosial statusa yiyələnmək deməkdir.[2]Estetik ginekologiya-müasir tibbdə yeni istiqamətdir.Avropa mama-ginekoloqlar Assosiasiyasının 15 il əvvəl Londonda keçirilən konqresində universitetlərin birinin kafedra müdiri professor Linda Kardozo çox maraqlı,qeyri-standart,intriqalı “Aralığın dizaynı”adlı məruzə ilə çıxış etmişdir.